Blog

José Luis Abal, profesor no CPI de Xanceda: “Esta experiencia permitiume facer a comparativa e a miña conclusión é que temos un bo nivel educativo”

12Dec

By Dores Díaz RifónNo Comments

José Luis Abal, profesor no CPI de Xanceda: “Esta experiencia permitiume facer a comparativa e a miña conclusión é que temos un bo nivel educativo”

O día 9 de outubro de 2023, o profesor de Bioloxía, José Luis Abal Fabeiro, partiu de Santiago de Compostela con destino a Toronto, Canadá, para participar no programa PIALE, da Consellería de Educación da Xunta de Galicia. Por: Leire García, Miriam López, Sara Pacheco e Hugo Suárez Catro alumnas/o do 1º curso da ESO quixemos saber máis sobre esta experiencia, polo que aproveitamos o noso xornal dixital para realizar e dar a coñecer esta entrevista. O programa PIALE oriéntase cara á mellora da competencia lingüística e comunicativa en lingua extranxeira do profesorado. Cando e por que tomaches a decisión de solicitar a túa participitación nel? Tomei a decisión o curso pasado, porque foi cando se implantou a sección bilingüe de Bioloxía en 3º da ESO no noso centro. O teu ...

Comeza un novo curso e volve P(r)ensamos

5Out

By Yaiza LareoNo Comments

CPI Xanceda

Comeza un novo curso e volve P(r)ensamos

Por. Yaiza Lareo Volve P(r)ensamos! Outro ano máis con moitas ganas de traballar, e con novos integrantes, todos e todas moi entusiasmados por este novo ano de redacción. Este ano ampliamos o equipo, formado por 38 membros. As persoas que participamos somos as seguintes: 1º ESO: Paula García, Leire García, Tamara Gómez, Miriam López, Estela Rodríguez, Sara Pacheco, Paula Pérez, Román Sánchez , María Sanjurjo, Hugo Súarez e Catalina Velo. 2º ESO: Antía Carro, Martín Cao, Lucas Castro, Estela Couselo, Naya García, Lucía Manteiga, Samuel Pernas, Xoel Sánchez, Sara Sanjurjo, Sabela Varela, Sofía Rico, Manuel Covelo e Adriana García. 3º ESO: Miguel González, Alba Sánchez, Breogán Vázquez 4º ESO: Xoel Cao, Yaiza Lareo, Sara Martínez, Roi Pardo, Lucas Rodríguez e Vítor Sánch...

17Out

By Juan Cao2 Comments

CPI Xanceda

Volve P(r)ensamos

Esta tempada contamos con novos membros, con boas ideas e moitas ganas de traballar e informar. Por: Juan Cao Despois desta parada de verán, P(r)ensamos volve con moitas máis ganas que nunca de continuar. Este ano ampliamos a redacción e contamos con 31 membros. Esperamos que, deste xeito, poidamos publicar máis e mellores noticias, algunhas entrevistas, crónicas e mesmo artigos de opinión. Aproveitamos tamén para dar as grazas a Moisés Álvarez e Dores Díaz, posto que sen eles o proxecto nunca podería ter comezado. Ademais, cabe mencionar ás nosas compañeiras, que xa non están no centro, polo seu esforzo e dedicación de cara ao proxecto. Esperamos non decepcionarvos. Os membros da nova redacción

Excursión a Mallorca do alumnado de 4ºESO

24Xuñ

By Roi PardoNo Comments

Principal

Excursión a Mallorca do alumnado de 4ºESO

O pasado martes 28 de maio de 2024, o alumnado de 4º ESO do CPI de Xanceda iniciou unha viaxe de fin de curso a Mallorca, que tería unha duración de seis días, nos cales visitaron diferentes lugares da illa. O grupo no aeroporto de Santiago Por: Roi Pardo Rúa O 28 de maio o grupo de 4º de ESO, acompañados pola profesora Patricia Fernández e o profesor José Luis Abal, partiron do aeroporto de Santiago con destino a Palma de Mallorca. Chegaron ao seu destino a mediodía e o primeiro día aproveitárono para percorrer as rúas máis antigas desta fermosa cidade. Para aproveitar mellor o paseo, contaron cunha guía que lles explicou a historia dos monumentos e edificios icónicos dese lugar, algúns cunha historia que se remontaba moito tempo atrás. Un exemplo dos edificios máis releva...

Nuria Vil: “Triunfar a nivel mundial sería poder ter unha casiña preto de meu pai e miña nai, con moi pouquiño ruído dos coches e o mar moi cerca.”

15Xuñ

By Sara MartínezNo Comments

CPI Xanceda, Cultura

Nuria Vil: “Triunfar a nivel mundial sería poder ter unha casiña preto de meu pai e miña nai, con moi pouquiño ruído dos coches e o mar moi cerca.”

Dende o 2021, no CPI de Xanceda homenaxéase unha poeta galega no Día da Poesía. A primeira homenaxeada foi Luz Fandiño, seguiuna Lucía Aldao e o pasado 16 de abril veu ao noso centro Nuria Vil. Nuria Vil cos alumnos e alumnas da ESO. Por: Sara Martínez Quindimil Nuria Vil acudiu a Xanceda para ler un pouco dos seus poemas aos rapaces e rapazas do centro. Comezou polo grupo de primaira e seguiu co da ESO para falarnos un pouco sobre como son as súas creacións e como desenvolve o seu día a día sendo poeta. Ademais, tivemos a sorte de poder entrevistala; deixamos aquí as súas respostas: Cal foi o teu primeiro encontro coa poesía? Antes de adicarte á poesía desenvolvías algún outro oficio? Pois sempre me gustou a poesía, aínda que non a entendía e non tiña referentes nin c...

8Xuñ

By Alba Sanchez GarcíaNo Comments

CPI Xanceda, Medio ambiente

Visita ás Fragas do Eume

O martes día 7 de maio o alumnado da ESO realizamos unha saída ás Fragas do Eume para facer unha ruta e visitar o mosteiro de San Xoán de Caaveiro. A ponte e o mosteiro de Caaveiro, nas Fragas do Eume. Por: Uxía Cernadas Pérez, Miguel González Cabana e Alba Sánchez García Comezamos saíndo do colexio arredor das 10:00. Fomos en dous autobuses, nos cales íamos divididos por cursos: primeiro e segundo nun autobus e terceiro e cuarto noutro. Esta excursión foi organizada polo Departamento de Relixión polo que nos acompañou Marisé, profesora desa materia, e tamén viñeron connosco Sandra e Víctor, ambos os dous profesores de Xeografía e Historia. A visita comezou nunha casa vendo un vídeo sobre as especies que podiamos encontrar pola zona. Entre elas encontrábanse x...

A nosa viaxe de inmersión lingüística a Dublín

16Mai

By Adriana García CruzNo Comments

Principal

A nosa viaxe de inmersión lingüística a Dublín

Entre os días 14 e 19 do pasado mes de abril, as alumnas e alumnos de 2º e 3º da ESO do CPI de Xanceda puidemos gozar dunha viaxe de seis días á capital e cidade máis poboada da República de Irlanda, Dublín. Velaquí unha síntese destes días por terras irlandesas... Por: Adriana García Cruz Día 1 - Domingo 14 O día da saída, tiñamos que estar no aeroporto ás 15:30 para facturar e pasar o control de seguridade. Todo saiu segundo o esperado, fixemos o embarque e, despois dunha viaxe de dúas horas e media de duración, ás 19:30h chegamos ao noso destino. Dende o aeroporto, desprazámonos ao centro e logo andamos coas nosas maletas polas rúas dublinesas até chegar a nosa residencia,"Leevin Hostel". Déronnos unha pulseira co nome da mesma para así identificarnos, dixéronnos os horario...

13Mar

By Vítor SánchezNo Comments

Deportes, Mesía e comarca

O Visantoña vence ao Pastoriza na casa

O 24 de febreiro, ás 16:15h celebrouse no campo das Brañas o partido entre CF Visantoña e o S.C.D. Pastoriza 'B' Imaxe do derbi Visantoña - Mesía Por: Vítor Sánchez e Lucas Rodríguez. O C.F. O Visantoña sumou tres puntos ao seu marcador tras gañar 3-1 ante o S.C.D. Pastoriza 'B' este sábado nas Brañas - Visantoña. O equipo local entrou no encontro tras sufrir unha derrota por 3 - 1 no anterior xogo ante o Sada C.F. 'B'. Por outra banda, o Pastoriza tamén acudía ao partido despois de perder por 0-5 ante o San Tirso S.D. 'C', co que acumula cinco derrotas consecutivas na competición ligueira. Co resultado deste último partido, o equipo visitante sitúase na décimo cuarta posición, mentres que o Visantoña é sétimo na clasificación. GOLES P (Penalti) PP (Propia Porta)15'Mijallo Rod...

26Xan

By Adriana García CruzNo Comments

Cultura, Mesía e comarca

As nosas feiras. Unha viaxe ao pasado

O pasado 9 de decembro visitamos a feira de Curtis e comprobamos como as feiras continúan a ser un encontro comercial e social de relevancia no noso rural. Ademais, puidemos falar con Francisco Mariño Sanmartín, tratante de gando nado neste Concello, que nos aportou información moi valiosa sobre a historia das feiras. Por: Adriana García Cruz, Sara Sanjurjo Bra, Xoel Sánchez Rodríguez. As feiras son reunións públicas destinadas ao intercambio ou á compravenda de produtos, que resisten na actualidade e que estiveron na base do desenvolvemento e consolidación dalgunhas vilas galegas durante o século XIX e comezos do XX. Así foi o caso dunha vila da nosa contorna, Curtis, que acolleu as feiras máis importantes da comarca durante décadas. Estas continúan a celebrarse os días 9 e 23 d...

Celébrase en Visantoña o primeiro “derbi” da tempada

3Dec

By Sara MartínezNo Comments

Deportes, Mesía e comarca

Celébrase en Visantoña o primeiro “derbi” da tempada

Partido disputado no campo de futbol das Brañas, Visantoña. Por: Sara Martínez Quindimil e Lucas Rodríguez Quindimil Este domingo 26 de novembro disputouse o partido máis esperado no noso concello. Trátase do primeiro derbi, o primeiro Visantoña - Mesía desta nova tempada. O encontro comezou ás 16:15 da tarde, e con el a tensión, pois se algo caracteriza os nosos "derbies" é a rivalidade deportiva, as ansias por competir e gañar. Dos últimos catro encontros disputados, un gañouno o C.F. Visantoña, noutro houbo un empate e os demais tiveron un resultado favorable para o C.D. Mesía. Porén, co resultado deste último, iguálanse as vitorias entre os dous equipos. En efecto, o partido decidiuse a favor do C.F. Visantoña, cunha diferenza de dous goles a cero. No minuto 31 do primeir...

O CPI de Xanceda de fronte ás violencias machistas

30Nov

By Estela Couselo BascoyNo Comments

CPI Xanceda, Igualdade

O CPI de Xanceda de fronte ás violencias machistas

A cadea humana formada no CPI de Xanceda. Por: Estela Couselo e Sabela Varela. Con motivo do Día Internacional da Eliminación da Violencia contra a Muller, 25 de novembro, o pasado venres 24 organizouse un acto no CPI de Xanceda, en colaboración co Concello de Mesía, ao que asistiron os diferentes membros da comunidade educativa, así coma representantes da corporación municipal e veciñas/os. A conmemoración tivo como lema o da campaña da Deputación da Coruña, “DE FRONTE á violencia de xénero”, e o acto comprendeu a realización dunha cadea humana caracterizada pola vestimenta negra das personas participantes e a lectura dun manifesto por parte do alumnado do 6º curso da Educación Primaria e dos diferentes cursos da Educación Secundaria. As encargadas de ler ...

20Nov

By Sara MartínezNo Comments

Principal

Torneos solidarios en Visantoña

Final do torneo: Betanzos CF - Sporting Cambre Por: Sara Martínez Quindimil O sábado 30 de setembro e o xoves 12 de outubro tiveron lugar en Visantoña dous torneos de fútbol solidarios: un en categoría alevín (fútbol oito) e outro en categoría veterana (fútbol once e fútbol sete). Os fondos recadados serán destinados para axudar a Sergio co seu tratamento. Sergio é un rapaz de 17 anos que vive en Olas, Mesía, o concello ao que pertence a nosa escola. Este neno é unha das tres persoas de España que padecen unha enfermidade rara chamada paraparesia espástica tipo 50 (SPG50). Esta doenza neuromuscular dexenerativa produce síntomas como: déficit cognitivo, espasticidade progresiva, que provoca dificultade para camiñar e para falar, e ataques epilépticos, nalgúns casos. Pero, se accede á ...