No accidente, a pesar dos importantes danos que sufriron os vehículos, non houbo feridos de gravidade.
Por: Javier López Blanco
O suceso ocorreu en Xanceda, no kilómetro 17 da AC-524, nunha pequena recta entre dúas curvas, antes das 8:30 a.m . Unha furgoneta invadiu o carril contrario e acabou impactando contra un turismo que circulaba por ese carril. Os vehículos quedaron moi danados e os seus ocupantes foron trasladados inmediatamente ao hospital, debido a que tanto o condutor da furgoneta como o do coche se queixaban de fortes dores de costas tras o impacto. No turismo viaxaba un ocupante máis que só necesitou atención médica no lugar do accidente.
Un dos implicados no sinistro deu aviso ao servizo de emerxencias e dende a central alertaron a Garda Civil, dado que a furgoneta quedou inmobilizada no medio da estrada e tiveron que cortar un carril de circulación.