Foto do grupo co percursionista Robin Leira da orquestra New York.
Carme Roel Sánchez, Sara Sánchez Cernadas e Alba Sánchez García
Os alumnos e alumnas de 4 da ESO, coa axuda da profesora de música, Patricia e os alumnos de 3 da ESO, crearon unha banda: Toxos. A creación da banda ten como finalidade desfrutar da musica por parte de todo o alumnado e recadar diñeiro para a excursión de fin de curso de 4 da ESO.
Para realizar as actuacións contaron coa colaboración de diferentes establecementos do concello así, o primeiro concerto tivo lugar no bar Faustino, en Xanceda e o segundo, no Clavel de Visantoña.
Nos concertos pódese desfrutar de cancións de ABBA, Police, Alaska, Katy Perry, algunhas típicas galegas como a Rianxeira, e moitas mais. Para tocar estas cancións utilizan varios instrumentos, como o piano, frauta, xilófonos, caixa, pandeiretas, o chaston, etc…
A todo o alumnado lle pareceu unha experiencia agradable e o público animouse e acabou por acompañarnos cantando.
Aínda lles queda un ultimo concerto que será anunciado en breve, espéranvos a tod@s alá!
